كيدايرين ان شاء بخير وعلى خير
طبق ديال اليوم كيف العنون فولات او تويمات الغنمي طايبين حاجتنا
بصلة جوانح نشحروها في معيلقة سمن او معيلقة زيت عادية ونمرقوها بالماء ونضيفو :ابزار ابيض،ملح ،
لما تطيب البصل مزيان نضيفو الفولات منقيين طبعا ومقطعين كيف الصورة ونزيدو عليهم زعفران شعرة ونخليو الكل يطيب
تم المعدنوس
وتقدم ساخنة على فكرة تانعملوها كشربة للنفايسات
او تقدم كطاجين مع الخبز
انا قدمتها مع ارز بالزعفران والهيل
اللهم ادمها نعمة واحفظها من الزوال
Nessun commento:
Posta un commento