حاجتنا ل عبار من كل حاجة يعني لعبرنا بزلافة كيف عملت انا نديرو
زلافة عامرة بالبيض+زلافة سنيدة+زلافة الفورص+ملح +الخمارة القياس لي فالغطار ازرق
نطربو مزيان البيض والسكر حتى يتضاعف على 3مرات الخليط لي عندنا هدا هو اساس الجينواز
ندهنو المول مزيان بالزيت ونرشوه بالدقيق
ندخلوها للفرن مسخن من قبل على 180 درجة نراقبو النضج ديالها بحال الكيك
هاهي وجدات نخليوها على جنب
2الكريم شانتيي
حاجتنا لكريم فريش +سكر كلاصي حسب الدوق (انا الكريم خديتو ديجا حلو)+التطراب مزيان مزيان
لنجاح العملية نديرو الكريم+الزلافة فين غادي نخلطو+رجلين الباطور في التلاجة يبردو مزيان
شوفو تبارك الله المعلقة مقلوبة والكريم واقف
3 المونتاج
تنقسمو الجينوازعلى3 ونكونو موجدين سيرو من قبل (كاس الماء كاس السكر فاني)
ونحطو قدامنا الشانتيي والمعلقة الخاصة باش نخدمو وشيتة باش نرشو الجينواز
هنا المونتاج تانعملوه في مول تايتحل وفوق طبسيل التقديم مباشرة
(في حالة ما توفرتيوش عليه تانمونطيو الحلوى بالعكس
يعني تانمونطيو في مول عادي بعد ما نعملو هاد لابوند الخاصة بالمونتاج في جناب المول لي عندنا و نمونطيو ونخليوها تشد شوية عاد نقلبو في صحن التقديم ونزينو الوجه )
المونتاج العادي
تانفرشو الجينواز ونسقيو مزيان بالسيرو ونديرو طبقة مهمة ديال الكريم ونكررو العملية حتى نساليو
تانخليوها واحد الساعة عاد نزولو المول
تنملسو الوجه مزيان لحد الان باقي المرحلة النهائية
4 التزيين النهائي(هنا حسب الذوق)
انا خديت بابيي كويسون وعملت منو هاد الشرائط
درت الشكلاط دائب في السورانغ
مني تايجمد الشكلاط تانزولو الكاغيط ونعمرو الفراغات بمربى الفواكه معسل مع السكر ومطحون ومصفي
تنزينو الجناب بحبوب الشكلاط اما الحوافي فوريدات من الشانتيي
هنا التصوير غير واضح
اللهم أدمها نعمة واحفظها من الزوال
Nessun commento:
Posta un commento