السلام عليكم ورحمة الله وبركاته
مقادير شرمولة:
بصلة محكوكة+توم محكوك+ابزار+خرقوم+سكينجبير+ملح+قصبور ومعدنوس(قصبور اكتر من المعدنوس)+سمن+زيت الزيتون
بعد ما نغسلو الدجاج مزيان ونقطروه
نشرملوه مزيان مزيان مزيان تانأكد دخلو شرمولة بين الجلد واللحم والفخاد المهم تهلاو فيه مزيان ومن على برا ،هاد المرحلة ضروري نديروها قبل متلا لا بغينا الدجاج للغداء نديرو هادشي في الليل ونغطيو الدجاج ونعملوه في الثلاجة
نجمعولو رجليه بالخيط،ومني نحمروه نفكوهم
نعملوه في الطنجرة (انا قسمتو حيت كبير ما تساع لي باش نطيبو مجموع)
نزيدو زيت الزيتون ونشحروه مزيان هاد المرحلة ضرورية حنا تانشحرو وتانتقبوه بالسكين .
من بعد نضيفولو البصل مشلظ وشوية العطرية ونخليوه يطيب مع وضع الصدر من التحت
ملاحظة نضيفو القليل من الماء وصافي
مني يطيب نقلبوه على الجهة الاخرى
مني نزولوه نجمعو المرق في طنجرة وحدة ونضيفو الكبدة (لي صلقناها من قبل وقطعناها طريفات)قشرة لمون مصير كبيرة باش ما يكحالش البصل ومن بعد نزولوها( ولا توفر الزعفران الحر نضيفوه) ونبقاو ندغمرو البصل حتى يطلق الزيت ويولي بحآل هاكا
ندهنو الدجاج بالسمن ونحمروه في الفرن
وهاهو بالصحة والراحة
اللهم ادمها نعمة واحفظها من الزوال
Nessun commento:
Posta un commento